Яңа елдан пенсия күләме артачак

2019 елның 1 гыйнварыннан эшләмәүче кешеләрнең пенсияләре 7 процентка артачак, дип хәбәр итте Татарстан Пенсия бүлегенең Вахитов районы бүлекчәсендә пенсияләрне исәпләү һәм билгеләү буенча җитәкче урынбасары Алсу Мәрдиева. Кешенең пенсиясе суммасына бәйле рәвештә, акча да төрлечә артачак. Әйтик, кеше 10 мең сум пенсия ала икән, акчасы 10700 сум булачак. Әмма, бу эшләүче пенсионерларга кагылмый. Алар эштән киткән очракта гына арттырылган пенсияне алачак.

---

Эльвира Мозаффарова, Шәһри Казан