Татарстанның ике оборона заводы РФ Министрлар Кабинетыннан дәүләт гарантиясе ала

2016 елга федераль бюджетта 209 млрд сумлык дәүләт гарантияләре каралган. Россия Хөкүмәте шул акчаларның 93,6 млрд сумын оборона-сәнәгать комплексы предприятиеләренә бүлеп биргән. Әлеге чара 2011-2020 елларга кораллану программасын тормышка ашыруны күздә тота. Бу хакта РФ Хөкүмәте сайтында әйтелгән. Дәүләт гарантияләрен алучылар исемлегендә Горький исемендәге Яшел Үзән заводы һәм Казан оптика-механика заводы бар. Казан оптика-механика заводы 1 млрд сумлык ике дәүләт заказын үтәячәк. Ә Горький исемендәге Яшел Үзән заводы, документ нигезендә, оборона-сәнәгать заказларын үтәү өчен 11 млрд сум акча алачак.