Татарстан командасы Европакүләм бәйгедә икенче урын яулаган

Татарстанның яшь юл хәрәкәте инспекторлары командасы юл йөрү кагыйдәләрен өйрәнүгә һәм үтәүгә багышланган 31 нче Европакүләм бәйгедә икенче урын яулады. Бәйгедә Европаның егермедән артык иле катнашкан. Россия данын "Куркынычсыз тәгәрмәч – 2016" Россиякүләм бәйгесендә беренче урын алган Татарстан командасы тәкъдим итте. Команда составында Казанның Вахит районындагы 18 нче гимназиянең 6 сыйныф укучылары – Халисә Әбашева, Шамил Миңнеханов, Егор Сафин һәм Екатерина Сергеева яклаган. Безнең укучылар Латвиядән ике баллга гына калышкан.  Өченче урында – Чехия командасы.

Чыганак: http://intertat.ru