Студентлар көне уңаеннан, К.Тинчурин исемендәге Татар дәүләт драма һәм комедия театры акция игълан итә

25 гыйнвар – Студентлар көне (Татьяна көне) уңаеннан, К.Тинчурин исемендәге Татар дәүләт драма һәм комедия театры акция игълан итә. Акция кысаларында студентларга 25 гыйнварда күрсәтеләчәк спектакльгә билетны 50 процентлы ташлама белән сатып алу мөмкинлеге бирелә, дип хәбәр итә театрның матбугат хезмәте. Акциядә катнашып ташламалы бәядән билет алу өчен театр кассасында студент билетын күрсәтергә генә кирәк. Акция бүгеннән гамәлдә. 25 гыйнвар көнне театр Исламия Мәхмүтованың “Мәхәббәт чишмәсе” мелодрамасын тәкъдим итә.

Чыганак: http://tatar-inform.tatar