Россиядә дүрт иминият компаниясенең лицензияләре кире алынган

Россия Федерациясенең Үзәк Банкы "Свисс-Гарант" һәм "Белокаменная" иминият компанияләренең иминият эшчәнлеген алып баруга бирелгән лицензияләрен кире алган. Бу хакта хәбәрне Үзәк Банк таратты. Шулай ук "Про-полис" иминият брокерының иминият брокерлыгы эшчәнлеген алып баруга бирелгән лицензиясе дә кире алынган. Моннан тыш, Үзәк Банк "Роста" Брокерлык иминият компаниясенең иминият брокерлыгы эшчәнлеге алып баруга бирелгән лицензиясен гамәлдә булудан туктаткан.