Казанда татар халкының тарихын өйрәнүгә зур өлеш керткән тарих фәннәре кандидаты Лев Гумелевны искә алачаклар

1 октябрь көнне тарихчы-этнолог, археолог, көнчыгыш белгече, язучы һәм тәрҗемәче Лев Николаевич Гумелевның тууына 105 ел тула. Әлеге истәлекле дата уңаеннан, 2 октябрь көнне 12.00дә Казанда (Петербург урамы башланган урында) язучының һәйкәленә чәчәкләр салу була. Чарада Татарстан Мәдәният министрлыгы, Татарстан Язучылар берлеге вәкилләре, танылган җәмәгать эшлеклеләре, язучылар һәм тәрҗемәчеләр катнаша. Искәртеп узабыз: Бөек совет һәм Россия галиме, татар халкының тарихын өйрәнүгә зур өлеш керткән тарих фәннәре кандидаты Лев Гумелев  хөрмәтенә бронза сын Казанда 2005 елда ачылган иде.    

Татарстан Республикасы Мәдәният министрлыгы