Казанда Н. Җиһанов исемендәге икенче "Мирас" фестивале узачак

15 февральдә Казанның С. Сәйдәшев исемендәге Зур дәүләт концерт залында Александр Сладковский җитәкчелегендә Татарстанның Дәүләт симфоник оркестры татар классик музыкасының Н. Җиһанов исемендәге икенче «Мирас» фестивален ача. Бу хакта Татарстанның Дәүләт симфоник оркестры матбугат хезмәте хәбәр итә. 15, 18 һәм 22 фестивальләрнең өч концерт программасына Татарстанның композиторлык мәктәбе тарихын чагылдырган төрле буын татар композиторларының әсәрләре җыелган. Беренче фестиваль кичендә Нәҗип Җиһанов әсәрләре яңгыраячак. Концерт программасында «Кырлай» симфоник поэмасы, зур симфоник оркестр өчен тугызынчы симфония һәм «Симфоник җырлар» сюитасы бар.

Чыганак: http://tatar-inform.tatar