Казанда Кырым рәссамнарының күргәзмәсе ачылды

21 июльдә Казанның «Ривьера» күңел ачу үзәге залында Кырым рәссамнарының «Безнең Кырым» дип аталган күргәзмәсе ачылды. Галереягә керү экспозиция ачылу көненнән башлап бер атна дәвамында бушлай булачак. Күргәзмәне оештыручылар сүзләренчә, һәр ай галереядә яңа рәссамнарның эшләре куелачак, экспозицияләр алышыначак. «Ривьера»да барлыгы 100гә якын рәссам тәкъдим ителәчәк. Проектта Эдуард Кули, Игорь Шипилин, Даниил Волков, Рамазан Усеинов, Елена Молчанова, Александр Тюнькин һәм Россия сынлы сәнгать академиясенең мактаулы әгъзасы Николай Дудченко катнаша.

Татар информ