Илдар Халиков урып-җыю барышы белән танышу өчен Лениногорск һәм Баулы районнарына бара

Татарстан Премьер-министры Илдар Халиков бүген республиканың Лениногорск һәм Баулы районнарына эш сәфәре кыла, дип хәбәр итә республика Президенты матбугат хезмәте. Сәфәрнең максаты – районнардагы урып-җыю эшләре барышы белән танышу. Премьер-министр башта вертолетта басуларны карап әйләнәчәк. Аннары урак өстендә катнашучы хезмәткәрләр, хуҗалык җитәкчеләре, инвесторлар һәм авыл бирлекләре башлыклары белән очрашу да ниятләнгән.