Азнакай укучылары Санкт-Петербургта узган конкурста җиңү яулап кайткан

Азнакайның “Фантазия” вокаль ансамбле Санкт-Петербургтан җиңү яулап кайтты, дип хәбәр итә http://www.aznakaevo-rt.ru. Азнакай балалар сәнгать мәктәбенең Эльвира Шәйхуллина җитәкчелегендәге “Фантазия” вокаль ансамбле Санкт-Петербургта узган “Артист-2016” конкурсында катнашып, икенче урынны яулады. Анда илнең 80 шәһәреннән иң яхшы солистлар һәм коллективлар чыгыш ясаган. Бүләкләү тантанасы танылган Мьюзик холлда булган. Балалар ак төннәр башкаласы буйлап сәяхәт тә кылган.

Чыганак: http://tatar-inform.tatar