Ана капиталын индексацияләү 2020нче елга кадәр туктатылачак

Россия Президенты Владимир Путин ана капиталын индексацияләүне 2020 елга кадәр туктатып тору турындагы законны имзалады. Бу карар 2018 елның 1 гыйнварыннан үз көченә керә. Хәзерге вакытта ана капиталының күләме 453 мең 26 сум тәшкил итә. 2018 елдан социаль түләүләрнең барысы да елына 1 тапкыр гына чынлыктагы инфляция буенча индексацияләнә. Индексация коэффициенты исә Россия Хөкүмәте тарафыннан билгеләнә. Индексацияләү тәртибе “чернобыльчеләр”, Советлар Союзы Герое һәм Россия Федерациясе Герое, ветераннар, инвалидлар һәм балалы гражданнар өчен бердәм булачак.

Чыганак: http://tatar-inform.tatar