"Акцент белән булса да, русча спектакльләр куюның үз кызыгы бар" - Раил Садриев

Буа татар дәүләт театрының баш режиссеры Раил Садриев sntat.ru га биргән интервьюсында шул хакта белдереп, Буа театрының да рус телендә спектакльләр сәхнәләштергән булуы турында сөйләгән. “Безнең рус телендә дә спектакльләр куеп караган булды. Татар акценты бар, әлбәттә. Әмма иске грузин фильмнарында да үз телләре акценты бар бит. Һәм бу матур гына күренә. Бу бит авантюра, сынау. Тәҗрибә тупларга кирәк”, – дип җавап бирә Раил Садриев журналист соравына.

Чыганак: http://tatar-inform.tatar