Казанда WorldSkills-2019 илкүләм чемпионатында 1,6 мең кеше катнашачак

"Яшь профессионаллар" (WorldSkillS Russia) – 2019 VII Илкүләм чемпионаты Казанда 2019 елның 20-24 маенда узачак. Чемпионат ярышларының төп мәйданчыгы "Казан Экспо" Халыкара күргәзмә үзәге булачак.

Бу чарада 8 федераль округтан 1,6 мең яшь профессионал катнашачак, алар 87 төп һәм 49 юниорлар компетенциясендә көч сынашачак.

Моннан тыш, WorldSkills Russia чемпионатына 1,5 меңнән артык эксперт киләчәк. Ярышларның финалында эшләячәк баш экспертлар Мәскәү һәм Мәскәү өлкәсеннән, Татарстан, Чиләбе, Новосибирск һәм Свердловск өлкәләре вәкилләре булачак. Нигездә алар – белем бирү системасы, шулай ук бизнес-индустрия белгечләре.

Татар-информ

Фото: Татьяна Волкова рәсеме