Логотип Казан Утлары
Укучыларыбыз иҗаты

Әткәй күлмәге

Озатканын ирен зур сугышка Әнкәй искә ала бүген дә...

Фашист бәреп кергәч илебезгә

Кырык бернең җәйге көнендә

Озатканын ирен зур сугышка

Әнкәй искә ала бүген дә.

 

Мин туасын белгәч сөенгән дә,

Табалмагач бүтән бүләген,

Истәлеккә әткәй салып биргән

Өстендәге киндер күлмәген.

 

«Батырларча һәлак булды», – диеп,

Өч айдан соң килгән хәбәре.

Кара кәгазь алгач, әниемнең

Кыенлашкан тормыш хәлләре.

 

Әтиседәй батыр булсын диеп,

Терәк булсын диеп иленә,

Мин тугачтын биләгәндер әби

Әткәм күлмәгенең җиңенә.

 

Ә әнкәем һаман сине көтә,

Үстерсә дә мине ул ятим.

Көч-дәрт биргән, әти, күлмәк җиңең

Үзем инде хәзер дәү әти...

 

Рәфыйк ӘХМӘДИЕВ,

Түбән Кама шәһәре

 

"КУ" 11, 2020

Фото: pixabay

Теги: укучыларыбыз иҗаты

Иң мөһим һәм кызыклы язмаларны Татмедиа Telegram-каналындаукыгыз

Нет комментариев