Каймаклы пирог

Каты итеп басылган ачы камырны, җәеп, таба кырыена җиткереп майлы табага салалар. Тирән савытка йомырка сытып, каймак, шикәр комы өстиләр һәм болгаталар. Шуны камыр өстенә 1-2 см калынлыкта салып, кырыйларын сырлыйлар һәм духовкада 30-40 минут пешерәләр. Әзер пирогны суытып, кисеп чәй янына бирәләр.

1 каймаклы пирог өчен:

• 0,5 кг камыр
• 500 г каймак
• 4 йомырка
• шикәр комы

Тәмле булсын!