Эремчекле торт рецепты

Камыр өчен кирәк була:
1 пачка майсызлыгы аз булган эремчек
2 йомырка
1 стакан шикәр комы
0,5 чәй калагы тоз
1,5 чәй калагы чәй содасы
Он

Крем өчен:
ярты литр сөт
1 стакан шикәр комы
2 йомырка
1,5 аш калагы он
200 гр ак май (өй температурасында)

Эремчекне ваклыйбыз, кушабыз йомырка, тоз, песок, чәй содасын салып болгатабыз да он салып камыр әвәлибез. 1 сәгатькә суыткычка куябыз.

Кремны ясыйбыз.

Сөтне җылытырга куябыз, бер савытта йомырка, песок, он салып туглыйбыз да сөткә салабыз, болгата-болгата пешереп бетерәбез. Крем суынгач, майны салабыз.

Камырны 6 кисәккә бүлеп, җәеп духовкада пешереп алабыз, әзер крем белән сылыйбыз да, 6, 7 сәг тән соң тортыбыз әзер була.

 

Тәмле булсын!!!

 

Рецепт һәм фото авторы - Мәрьям Миннегулова; vk.com