Үскәч киясе пальто

Зәһәр декабрь суыгы.
Ерак әле язларга.
Үскәч киясе пальтоны
Алып чыктык базарга.
Шул көрән тукыма өчен –
Уңды юлыбыз болай –
Бирде бер әби бер чиләк
Бәрәңге белән туң май.
Йөгердек өйгә, бомба һәм
Ату тавышы тынгач.
Бер чиләк эре бәрәңге! –
Үсәбез болай булгач!
Без исән калырбыз, үскәч,
Сөйләшербез шатланып,
Талчукта бәрәңге саткан
Әбине искә алып.
Кат-кат рәхмәтләр укырбыз
(Онытмабыз мәңгегә),
Шул пальтоны бәрәңгегә
Алмаштырган әбигә.

В Л А Д И М И Р

С Е М Е Н Ч И К

Рафис КОРБАН тәрҗемәсе

«КУ» 11, 2026

Фото: magnific ai