Азатлык

Кеше өчен бөтен бүләкләрдән
Кыйммәтлерәк нәрсә азатлык.
Шуның белән җанны дәвалыйбыз,
Шуның белән җанның рухы нык.
Ул бирелә безгә югарыдан –
Яралмый ул хәтта көлдән дә.
Көтүчегә бирелергә мөмкин,
Ә патшаны урап үтәргә.
Аңа кеше хезмәт аша килә,
Чиксез сөю аша ирешә.
Мин көнләмим аны Аллаһыдан,
Юлчылардан менә көнләшәм.
Азатлык, син – изге хәзинә,
Тик ирешә сиңа тырышлар...
Азатлык дип кенә дөньяда
Башлана һәм тына сугышлар.

Ш а м и л
Җ и г к а е в
Рафис КОРБАН тәрҗемәсе

«КУ» 10, 2026

Фото: Шедеврум ии