Язмышым рәсемен ясадым...

Алдагысын Аллаһ белә…                                

Әбием сүзләре

Язмышым рәсемен ясадым,

Киндерен алдым да хыялның.

Алдагы көннең hәр мизгелен

Иң ачык төсләргә буядым.

Куйдым да тәрәзә төбемә,

Тынычлап йөрдем мин. Ә рәсем
Чыланган яңгырга. Җил белән

Ачылып киткән дә тәрәзем.

Буяулар томанлы – кушылган.

Тапланган ап-ачык рәсемем.

Моннан соң ясамас булдым мин

Туачак көннәрем рәсемен...
 

"КУ" 07, 2022

Фото: unsplash