Шигърият
Ярый әле кодрәт чикле...
Ярый әле кодрәт чикле, Акыл саташыр иде...
Ярый әле кодрәт чикле,
Акыл саташыр иде:
Әллә кемнәр айны җиргә
Сөйрәп маташыр иде.
Ә мин менә күлгә кереп,
Айны чүмечкә җыям.
Алтын айның яктысыннан,
Синең сыныңны коям.
Сокланып карап торабыз,
Чирек ай күлдә йөзә.
Ярый җирдә мәхәббәт бар,
Ул куәт бирә безгә!
"КУ" 03,2022
Фото: pixabay
Теги: поэзия татарча шигырь
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Кодрәте җитәр микән? (Факил Сафинга пародия).....Мәхәббәттән исергәнме, әллә абзый саташа?Күлне бутап, мичкә белән, “чирттерергә” маташа .......Исәбе бар көмеш суны чүмечкә чумырырга.Рәхәтләнеп чүмеч белән көмешкә чөмерергә....... Күлне эчеп бетерергә кодрәте җитәр микән?Әллә мичкәсе ярылып үзе агып китәр микән?.......Сәйлән (Ләйсән Мөгътәсимова)
0
0