Яңа Татарстан төзибез

Республикам Президентлары
М. Шәймиев белән Р. Миңнехановка

Яңа Татарстан төзибез без
чор-гасырлар кичкән нигездә,
тарих уйган чокыр-чакырларны
кирәгенчә сипләп-тигезләп.
Ашыкмыйча гына ашкынабыз,
белеп кенә җаен, чамасын,
ипләп кенә, кычкырмыйча гына –
беркем бер сүз әйтә алмасын;
үзебезнең канны измә итеп,
кирпеч сугып йөрәк итеннән,
бастырмыйча дуслар аюыннан,
тешләтмичә дошман этеннән;
беркемнән дә ярдәм сорамыйча,
өлге алып дөнья аңыннан,
үзебезнең акыл ияләрен
үзебезгә итеп юламан,
яңа Татарстан торгызабыз
күп дәверләр кичкән нигездә –
йөрәк тибешебез белән сипләп,
акылыбыз белән тигезләп!

"КУ" 05, 2021

Фото: pixabay