Шигърият
Вакыт җитми, дибез...
Вакытларың булыр бервакытны... ...Югалтканны булмас табыплар.
Ашыгабыз һаман...
Хафаланып,
Өтәләнеп, дөнья көтәбез.
– Вакыт юк бит! Вакыт җитми! – дибез,
Эш күплекне сылтау итәбез.
Вакыт, вакыт...
Барысын да уптым
Без бәйлибез мескен вакытка.
Вакыт юк бит, дибез... Ник булмасын!
Без үзебез – вакыт... Факытта!
Әйтерсең лә, вакыт – дөньялыкта
Сирәк очрый торган бер нәрсә.
Кирәк булса, теләк булса әгәр,
Вакыт табабыз бит югыйсә!
Ничек итсәк итик, әмма табыйк,
Зарланмыйча табыйк вакытлар!
Вакытларың булыр бервакытны...
...Югалтканны булмас табыплар.
"КУ" 02, 2021
Фото: pixabay
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
“Вакыт юк бит, димәгез сез...Ник булмасын!”- ди Ләбиб.Һәм чынлап та: “Бик тырышсаң табып була”,-диләр бит...“Вакыт юк!”-дип йөрүченең, әйткәннәре, ялган ул!Ләбиб Лерон шигырендә уникегә тулган ул!Сәйлән (Ләйсән Мөгътәсимова)
0
0