Усаллана барабызмы?

Усаллана барабызмы?

Гаепсезнең

Бер гаепсез булуына шигебез бар...

Кыланабыз фал китабын ачкан сыман –

Ә бит күзләр – сукыр... 
Колакта – зар...

Язмыш юлларының тузаннары

туры юлны күрсәтмичә

каплап тора.

Үзебезнең хаталарның шәүләләре

адым саен каһкаһәләп

саклап тора... 

Курыкмыйбыз ялгышудан.

Бәя – катгый.

Ышанычның чит-читләре –

китек-китек.
Усаллана барабыз бит

түгелме соң?

Без соң әле

кая кадәр барып җиттек?..
 

"КУ" 10,2022

Фото: unsplash