Уйларымның, ахры, мин колы

Качты инде татлы йокыларым,
Йолдыз санап үтә төннәрем.
Таң алдыннан алар да бит сүнә,
Ялгыз гына калам көннәрен.
Чынга ашмас өмет-хыялларым
Минутка да китми күңелдән.
Кая барыйм, кемнән ярдәм сорыйм? –
Акыл белән ара өзелгән.

Акылыма богау салган уйлар,
Бирми миңа алар тынгылык.
Йөрәгемне сарган уйларымнан
Булмас, ахры, мәңге котылып.

«КУ» 07, 2025

Фото: Raphael Ai