Туган халкым

Бөтендөнья татар конгрессының

беренче җитәкчесе Индус Таһировка

Бу дөньяда һәркем лаек ихтирамга,

раслый алса яшәвенең олылыгын.

Туган халкым! Ышанычны, илне, телне

бүгенгәчә югалтмавың – горурлыгым!

Матурлыкка, гаделлеккә, тынычлыкка

хезмәт итсәң – намусың пакь, иҗатың чын.

Туган халкым! Сынауларда сабыр булып,

җиңүләрдә батырлыгың – таянычым!

Кайда гына яшәсә дә, һәрбер кеше

милләтенең кабатланмас бер чәчәге.

Туган халкым! Иманына тугры калган

игелекле балаларың – киләчәгең!
 

"КУ" 08, 2023

Фото: unsplash