Туар идем җиргә яңадан

Вандалчы...

Каберташны вату, җимерү өчен

Кирәк түгел көч тә, акыл да.

Сәйдәш моңнарына кизәнгәнсез –

Сез бит ҖИНАЯТЬЧЕ асылда.

Гомер

Каеннарга аклык бирелгән,

Усакларга саклык бирелгән.

Гомер шавын тыңлап карар өчен

Кешеләргә... картлык бирелгән.

Кыйтга

Ак болытлар – гүя ат көтүе,

Яугир җиңеп кайта пар атта.

Скиф токымыдай тезелешеп

Чал йолдызлар чыккан парадка...

Юк!

Таң кояшы. Аның нур-каләме

Каен тузларына җыр яза.

Кара төнне кичкән бүз халкыма

Укый алмас еллар җеназа.

"КУ" 10, 2016

Фото: pixabay