Тамырлар өзелмәсен

Язмыш кайчак кешеләрне
Аерса да иленнән,
Җаннар мәңге аерылмасын
Әнкәй биргән теленнән.
Бу дөньяда һәркем өчен
Газиз әнкәй бер генә,
Сөйгән әнкәйдәй кадерле
Туган ил һәм тел генә.
Кайда гына яшәсәң дә,
Онытма телең, моңың,
Сүндермә изге мирасны,
Балкыт бабамнар нурын!
Тамырлар һич өзелмәсен,
Телне, рухны якла гел,
Халкыңның саф чишмәләрен,
Йолаларын сакла гел!

«КУ» 02, 2026

Фото: Шедеврум ии