Шигърият

Тагарак

Бүген генә ярылмады ла ул! Күптән инде, күптән чатнады...

Бүген генә ярылмады ла ул!

Күптән инде, күптән чатнады...

Ул үзе дә оныткандыр кебек

Яраларсыз, гамьсез чакларын.

Ыңгырашты юкса – кем ишетсен?!

Колакка бит монда катылар.

Дала рәшәсендә юл бутаган

Бүгенгене иңләр атлылар.

Яргаланды... тузды... чәрдәкләнде...

Черек агач төсе йөгерде...

Дәшәм, диеп, кыюлыгын җыйды –

Әрсез әпипәләр бүлдерде...

Ә беркөнне! Күздән шуып төшеп,

Чәлпәрәмә килде күзлекләр.

Тагаракта – ярык. Ә кесәдә...

Ә кесәдә – иске берлекләр...

Ахырзаман! – диеп шаулаштылар,

Бүген – матәм, бүген ят та үл!

Ә тагарак? Ә тагарак күптән...

Күптән инде ярык иде ул...

Фото: vk.com

Иң мөһим һәм кызыклы язмаларны Татмедиа Telegram-каналындаукыгыз

Комментарии