Сырлы-сырлы дөнья

Сырлы-сырлы дөнья,

Кырлы-кырлы,

Шома түгел, түгел түгәрәк.

Ырлы-мырлы йөреп упкыннарга

Төшеп бара кеше, тәгәрәп.

Тотынып кал, Кешем,

Тотынып кал,

Бөркет булып омтыл тауларга.

Хәрәкәттә булып һәлакәттән

Бәхетеңне кирәк дауларга.

Нурлый-нурлый илне,

Җырлый-җырлый

Могҗизалар тудыр җиреңдә.

Түгәрәклә кырлы дөньяларны –

Урының булыр сыйлы түреңдә.

"КУ" 05, 2024

Фото: unsplash