Сораулар

Тели белсәң – теләк,
Тели белмәсәң – имгәк.
Мәкаль
Бер теләктәме без барыбыз да?
Ник тынычлык иңми җаныбызга?
Әллә шулкадәрле гамьсезме без –
Бозлы җаннармы без, җанлы бозлар?
Ник җылылык җитми дөньябызга?
Ник яшибез көйсез кунак сыман?
Әйләндекме туймас ялмавызга?
Шуңа мәллә ямьнәр коргаксыган?
Җир бүлешкән аты коргырларның
Теләкләре генә теләкме соң?
Җир-Анакай җавап тапты микән:
Без имгәкме, алар имгәкме соң?

«КУ» 06, 2025

Фото: unsplash