Шигырь чыга
Уйлау җитә – шигырь килеп чыга, Җен чыккандай чүлмәк эченнән.
Уйлау җитә – шигырь килеп чыга,
Җен чыккандай чүлмәк эченнән.
–Үзең читләшмәсәң беркайчан да
Аерылмам, – ди ул, – мин синнән.
Синдә калды, эшем бетте диеп,
Чыккач ятмый алай сузылып.
Сайрап торыр тылсымлы кош сыман,
Әверелә матур сүз булып.
Шигырь чыга ургып, чишмә булып –
Сусаганнар кат-кат эчсенгә.
Күңел сусауларын басар өчен
Татлы йотым бит ул кешегә.
Шигырь чыга җирдән, судан, күктән.
Шигырь чыга айдан, болыттан.
Шигырь чыга урман, елгалардан,
Шигырь чыга алсу офыктан.
Шигырь чыга уйдан, хыяллардан…
Җитеп торсын, башка өстәмим.
Теләсә каян таба ала аны
Күңеле бай булган хискә, дим.
Күңелемнең тылсымчысы булу
Килә әле, килә көчемнән.
Уйлау җитә – шигырь килеп чыга,
Җен чыккандай чүлмәк эченнән.
"КУ" 06,2023
Фото: unsplash
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Аладин Фәнәвис Дәүләтбаев һәм чүлмәк Рифә Рахман (пародия)Мин – чүлмәк, ватылсам, иңәрменБорчылмый, балчыкка, туфракка...(“Чүлмәк белән бәхәс” Рифә Рахман)Уйлау җитә – шигырь килеп чыга, Җен чыккандай чүлмәк эченнән.(“Шигырь чыга” Фәнәвис Дәүләтбаев) Дәүләтбаев уйладымы, килгән кадәр көченнән,Җен чыккандай, шигырь чыга мин-чүлмәкнең эченнән.Аңа бары уйлау җитә, миңа шигырь язасы...Каян төште минем башка, бу Фәнәвис казасы?Бер тынгылык юк үземә, ятам шигырь чыгарып,Инде минем түземлегем һич калмады чыдарлык.Шул җен сыман, әллә мин дә, өскә атылыйм микән?Котылдым, дип, җиргә төшеп әллә ватылыйм микән?Сәйлән (Ләйсән Мөгътәсимова)
0
0