Шауласын

Болганчык буа суында

Көн нуры ята череп...

Чак сулаган алтын балык –

Ләм томалаган ирек.

Аны коткарып булырмы

Хәер-садака биреп?..

И тереклек, кузгатсаңчы

Буаны аксын өчен.

Мизгел саен кодрәт туплап
Үз юлын тапсын өчен.

Каршындагы киртәләрне

Җимереп атсын өчен.

Фидаи, үҗәт көрәшнең

Иркенә тапшырылып,

Шауласын гомер буена

Тиңдәшсез ташкын булып.

...Тоташсын ярсу диңгезгә

Уйлары ашкынулы...
 

"КУ" 10, 2022

Фото: unsplash