Салкындыр анда...

Җиләк быел да уңасы иде,
Чия дә эре буласы иде,
Алмалар пешеп туласы...
Әллә ни булды дөньякайларга:
Күзләр тидеме алмакайларга...
Төренгән иде бар(ы)сы да акка –
Хараплар булды чәчәктә чакта...
Нәкъ җиләк кебек чаклары иде...
Нәкъ чия кебек чаклары иде,
Нәкъ алма кебек чаклары иде...
Әллә ни булды дөньякайларга:
Суыклар төште әллә кайлардан...
Суыклар төште дөньякайларга –
Салкындыр инде... балакайларга...
Салкындыр анда…

«КУ» 11, 2026

Фото: magnific ai