Сагынулар шул буладыр

Сагынулар шул буладыр инде –
Күз алдымда авыл тугае:
Җилфердәтеп чиккән итәкләрен,
Тыпыр-тыпыр бии бугай ул.
Сагынулар шул буладыр инде:
Колагымда – иген шаулавы.
Җилләр аша сәлам җиткерделәр
Калфак кигән күксел таулары...
Сагынулар шул буладыр инде,
Әйләнә дә кайта уйларым
Көянтәләр аскан балачакка –
Урап йөрим чишмә буйларын.

«КУ» 11, 2025

Фото: Шедеврум ии