Өмет эзлим
Күрә торып җанның бер кисәген Янган утка салып буламыни?!
Күрә торып җанның бер кисәген
Янган утка салып буламыни?!
Нишлим икән? Каян көчләр алыйм?
Чәчәк кенә аткач суламмыни?
Нинди чара табыйм? Көннәремне
Синнән башка килми күрәсем дә...
Бу дөньяда ниләр майтарыла?
Белми идем... Килми беләсем дә...
Синең сулыш тигез булсынга мин
Әзер үзем көлгә әйләнергә!
Нишлим, әйтче, сине йолыр хакка
Кайсы кылга барып бәйләнергә?
Чоңгыллардан очып барган сыман
Үрелердәй салам – өмет эзлим!
Өмет эзлим... Синле язмышымнан,
Синле киләчәктән өмет өзмим.
Күрә торып бәгырь кисәгеңне
Салып буламыни упкыннарга?
И, җүләр мин, кайда язылган ул
Ирек өмет итү тоткыннарга?!
"КУ" 05,2023
Фото: unsplash
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
...Мәхәббәт коллыкны яратмый,Мәхәббәт горурлык ярата!Йә, нинди мәхәббәт булсын ди,Кол сыман мескенгә карата?Кешечә яшәргә теләсәң, Кайта күр, хак динең юлына!Зур гонаһ, Ходайдан ваз кичеп, әйләнү мәхәббәт колына.Син кеше, бу җирдә, кол түгел!Һәм кеше булып кал гомергә!Буш корбан- мәхәббәт утында әйләнү көлгә, йә күмергә.Сәйлән (Ләйсән Мөгътәсимова)
0
0