Өлгерерсең...

Әнкә болытка сыенып, (гүя тай гына)
Яңа сауган сөттәй болыт йөзә җай гына.
Шундый рәхәт! Җаны тыныч әни янында.
Ак йолдызлар ял итәләр мамык ялында.
Гүзәллектән күз камаша, аста – хозурлык!
Сәгадәтне бер сәбәп тә юктыр бозарлык...
Тик тынычлык мәңге түгел, бар да вакытлы.
Мыштым яткан җил дә әнә башын калкытты.
Әйтте әнкәсе, кисәтеп: «Карама аска –
Түгелерсең! Өлгерерсең тулырга таска...»

«КУ» 11, 2025

Фото: Шедеврум ии