Очыш

Кошлар нәселеннән булсам да, тик
дәрьяларда гына оча алам!
Равил Фәйзуллин

Дулкыннар күккә күтәрә,
Дулкыннар сөйри төпкә.
Дулкыннарны йөгәнләүнең
Серләре нечкә күпкә!
Тиңдәшме син, көндәшме син,
Үзме, ятмы дулкынга? –
Йә күтәрер ул Кояшка,
Йә салыр ул упкынга.
Ике игез – күк һәм диңгез,
Оч, булса канатларың!
Аңларсың шунда Күкләрнең
Кем итеп яратканын.

«КУ» 10, 2024

Фото: unsplash