Миграҗ кичәсе

Шым калыгыз! Пәйгамбәрнең аты
Ашып бара Миграҗ киченә.
Гафил җан да ышаначак бүген
Җиде катлы күкләр көченә.

Шым калыгыз! Вакыт туктап тора,
Колачларын җәйсә Аллаһым.
Иң сөекле колын каршы ала
Тәхетендә Раббым, валлаһи!
Мең доганы калебенә салып
Кайтып төшкәч җиргә Изгебез,
И, куаныр иман әһелләре:
– Мәңге яшәр кавем инде без!
Шым калыгыз! Пәйгамбәрнең аты
Ашып бара Миграҗ киченә.
Денсезләр дә дингә килер бүген –
Һәм төшенер Раббым көченә!

«КУ» 10, 2025

Фото: Raphael ai