Мәхәббәт һәм нәфрәт

Мәхәббәт һәм нәфрәт... Икесе дә
Күкрәк читен бәреп чыккан хис.
Кичергәннән икесен дә, туташ,
Азмы әллә яшең сыккан кич?
Мәхәббәт һәм нәфрәт – икесе дә
Илләр, калаларны җимергән,
Дәверләрнең учагында дөрләп,
Шагыйрьләргә язар җим биргән.
Мәхәббәт һәм нәфрәт –
кылдан нечкә,
Янартаудан әмма көчлерәк.
Шул хисләрдән йөрәк сүнмәс өчен
Акыл дигән бөек көч кирәк.

«КУ» 08, 2026

Фото: Шедеврум ии