Кояш яна, кичке учак төсле...

Кояш яна, кичке учак төсле,
бу көн кала кызыл күмер булып.
Учак телемнәре уйчан тәрәзләрдә –
калган җирдә очкын югалып.
Сер яшерә кебек кичке урам:
төн йотарга әзер тәрәз утын.
Сарутларга кунган җете кызыл төтен –
сусавына төннең бер шифалы йотым.
Төн күбәләк куа. Канатлары
шәм яктысын эзли офыклардан.
Таң эзенә төшеп оча җилпез-җилпез
тау битенә кадәр чыклы кыеклардан.
Көн югала, төн юыла шулай
Кадала да җиргә утлы күмер булып.
Таң уяна кабат, уйчан тәрәзләргә
очкыннары күкнең атылып.

«КУ» 05, 2026

Фото: Шедеврум ии