Шигърият
Кара көз
Мин шулай һәр көздә үләм дә, Һәр көздә яңадан тереләм!
И с каждой осенью я расцветаю вновь...
А.С.Пушкин
Кара көз... Ябылып дөньядан,
Каһвәгә тапшырам кәефем.
Ноктасы булмаган уйларның
Хәрефкә аерам хәрефен.
Кара көз... Мендәргә баш куеп,
Төшләрне сиплисе иде лә...
Чарасыз ялангач җанымны
Ничекләр мамыкка төрергә?!
Кара көз... Күкләрнең кургашы
Каныңа кич-иртә тамганда,
Ни мәгънә үзеңнән качуың
Ышанып юп-юка юрганга?!
Кара көз... Мендәре, каһвәсе –
Акылның калканы, имештер...
Мин – көчле, дигән дә кайчандыр
Бер үлеп алырга тиештер!
Кара көз... Сүз буар дөньяны:
Ул инде бөтенләй тилергән!
Мин шулай һәр көздә үләм дә,
Һәр көздә яңадан тереләм!
"КУ" 11, 2020
Фото: pixabay
Теги: шигърият
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Табиб диагнозыӘгәр табиб тыңлап торса,әйтер иде: “Бу бала, ни сәбәптер, бераз гынафикерендә бутала!Йә, кем инде, һәр көз саен,үлгәч терелә янә?Үлгәч кире кайткан, диләр, Гайсә пәйгамбәр генә...Ул пәйгамбәр түгел инде!Андый чорлар үткәндер?Ул бит бары шагыйрә ич...Монда сәбәп бүтәндер?.Бәлки көзге депрессияшулай тәэсир итәдер?Каты каһвә күп эчүдәнбәлки, мәрткә китәдер?!”Сәйлән (Ләйсән Мөгътәсимова)
0
0
0
0
Пушкин, осенью я расцветаю вновь, ди бит. Э Батталова аны улем белэн алыштырган. как то странно
0
0