Изге китап эчендә сакланган бабам васыяте
Үр менәргә ныклы иман кирәк, Тәти күреп, тизрәк барып капланмагыз...
Тарих хәтере безне яттан белә, –
Аттан төшеп, ишәкләргә атланмагыз!
Тик Алыплар үтәп чыгар бурыч алда –
Вакланмагыз!
Ходай йөрәк, куәт, акыл биргән:
«Булдырдык!» дип, ярты юлда мактанмагыз...
Бер-берегезнең алдын бүлеп тапталмагыз –
Вакланмагыз!
Ир ир булсын, хатын – һәрчак хатын!
Кыбырсык дип замананы акланмагыз;
Сиблеп, чәчлеп... зур вазифа төшми өстән –
Вакланмагыз!
Үр менәргә ныклы иман кирәк,
Тәти күреп, тизрәк барып капланмагыз...
Тәңре бер ул!
Җирдә кырык Алла табып
Вакланмагыз...
Милләт яши – җиңеп алга барса,
Бер урында тора – авыру,
Таптанмагыз...
Мескен халык хатасына көн дә баса...
Вакланмагыз!
"КУ" 07, 2017
Фото: Шедеврум ии
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
...Вакланабыз. ...........Инсафлыкны ташлап,яманатка атланабыз. .............. ...Вакланабыз. .............Бозыклыкка батып хәрам белән тапланабыз. .............. ...Вакланабыз. ..............Имансызлык кылып, чапан белән капланабыз. ............. ....Вакланабыз. ...... Халык-илне талап,-төрле сортка сортланабыз ............. ...Вакланабыз ...........Милләт,илне сатып,түрә-түрә катланабыз. .............. ...Вакланабыз. ...........Иблискә җан сатып,яшәр өчен хак алабыз. ............ ...Вакланабыз. ...........“Татар башын татар ашар”- дигән ат алабыз. .......... ...Вакланабыз. ...............Безнең гөнаһларны кичерерме Хак аллабыз? ............. ....Вакланабыз. .............Госел кояр вакыт .Халкым, кайчан сафланабыз? ......... .... Сәйлән (Ләйсән Мөгътәсимова)
0
0