Яңа таңдагы уй

Язмыш ничәнче кат, көлемсерәп,
Яңа саплам салды кулларга.
Тегәрменме, әллә чигәрменме
Яңа ямау – иске дөньяга?
Ариадна2 йомгак тәгәрәтте –
Яңа мөмкинлекләр йомгагы!
«Тозак-лабиринттан котыл!» – диеп,
Әйдәп тора Киек каз юлы.
Тәгәрәпләр китте, әй, йомгагым.
Чыгармынмы, җепкә тотынып?
Белмим әле... Әмма киергегә3
Яңа өлге тарттым... ымсынып.

3 Киерге – чигү өлгесен тарттыру өчен җайланма.

«КУ» 06, 2026

Фото: Шедеврум ии