«Яңа шигырь» сораучыларга

«Бар да үтә» – дигән бер пәйгамбәр,
Үтә икән, ага сулары...
Шигырь шаукымы да үтеп китә,
Китә еллар, «күчә комнары».
«Бар да үтә»... кешеләр дә китә,
Китә кире кайтмас җирләргә.
Әле уйлап кына йөри идем
Шигъри илһам, сине җирләргә.
Җирләтәсе килми, җанда калган
Шигъри очкын һаман талпына.
Яңа шигырь сораучылар барда
«Мин монда!» – дип, һаман калкына.

«КУ» 05, 2026

Фото: Шедеврум ии