Яңа газәлләргә кереш сүз

«Газәлләр – җан «аять»ләрең... Аларны
Бүгенге кырыс вазгыять аңлармы?» –
Шундый сорау бар күзеңдә... Янәсе,
Хисләрең безнең заманга ярармы?
...Вазгыять сүзен танымый шигърият!
Әмма без дә шушы чор балалары:
Дау, тетрәүләр җанда... Ә «вәхи» килә
(Туган телдә Яр тапшырадыр аны?!)...
Бер илаһи көч, югарылык, шиксез,
Күктән иңә – газәл туа аннары...
Бу халәт – бар вазгыятьләрдән өстен:
Якынайта Аллаһ белән араны!

«КУ» 03, 2026

Фото: Шедеврум ии