Эзләнү

Мин язлардан язлар эзлим бүген,
Җылытасым килеп күңелемне.
Йөрәгеңдә хисләр дөрләмәсә,
Яшәүме ул? Әллә үлемеңме?

Мин тәннәрдән җылы эзлим бүген,
Күңелемне чыраларга телеп,
Шыгрым тулган өрәк арасыннан
Тик бер җанны җылытасы килеп...
Туң күңелләр җебемәгән һаман,
Төпләрендә ята бозланган кар...
Мин кешедән кеше эзлим бүген,
Бер табармын дигән өметем бар!

«КУ» 04, 2025

Фото: unsplash