Дөньялыкка туган гына чакта...

Дөньялыкка туган гына чакта
Каян белим аның холкын мин?!
Яши-яши әлсерәгәч кенә,
Мондый икән минем халкым, дим.
Батырлыгын беләм, эшчәнлеген,
Тешчән икәнен дә аңладым.
Үзаңының үзгәлеген генә
Бүгенгәчә аңлый алмадым.

Тирән баздан тиргә бата-бата,
Чыгар чакта барың, бергәләп,
Бер-берсенең башларына басып
Чыкмакчылар һаман, үрмәләп...
Ялгышамдыр, бәлки, шулай булса
Ялгышыма ямау булыгыз,
Хаталардан хали түгел кем дә,
Мин дә сезнең гади улыгыз!

«КУ» 11, 2026

Фото: Индира Габдуллина