Диңгездә

Исерек дулкын кыйный корабльне,

Бу дулкыннар

Кәбестә күк ничә катлыдыр?

Каршы искән диңгез җилләренең

Тозларына хәтле татлыдыр.

Мәңгелекнең кыл уртасын кисеп,

Фарватердан бара кораблар...

Диңгезченең ныклы ышанычы –

Фәкать алга таба карап бар.

Үзебезнең татар бугазын да,

Тын океан киңлекләрен дә, –

Кичә алар, штурвалны кысып,

Аягүрә баскан хәлендә.
 

"КУ" 08,2022

Фото: unsplash