Шигърият
Дәрдемәнднең кабере юк...
Кабер ташларыннан кыйммәт күңелдә баскан ташлар!..
Дәрдемәнднең кабере юк...
Уфтанудан ни файда –
Сократның йә Әфләтунның,
Чыңгызханныкы кайда?!.
Кабер ташы булмаса да,
һәйкәле бар кайсының –
мәрмәре, җизе, бакыры
яки гранит-таш сыны!
Кабер ташларыннан кыйммәт
күңелдә баскан ташлар!..
Уфтану – мескеннәр эше,
горурлана бел башта...
Йөрәкләрдән йөрәкләргә
күчә торган горурлык
иң биек һәйкәлләрдән дә
биегәеп торырлык!
"КУ" 04, 2024
Фото: unsplash
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Дәрдемәнде булу, әйе, ..........татар өчен горурлык! ...........Тик каберен таба алмау- .............кичермәслек зур хурлык... ............. ... Сәйлән (Ләйсән Мөгътәсимова)
0
0