Шигърият
Чүлнең уртасында чүлмәк таптым
Аллаһ биргән, бар да – Аллаһ ирке, Комның бөртеге дә – Аның милке.
Чүлнең уртасында чүлмәк таптым,
Коры-сары җыйдым, учак яктым.
Чүлмәк эче ризык белән тулган,
Мин курыкмыйм аны югалтудан.
Аллаһ биргән, бар да – Аллаһ ирке,
Комның бөртеге дә – Аның милке.
Җитә безгә, җитә һәммәсе дә!
Ә тормышның асыл мәгънәсенә
Төшенергә һәрчак вакыт җитми,
Яшәү матурлыгын гомер чикли.
Аллаһ шөкер, кияр күлмәгем бар,
Сөбханаллаһ, балчык чүлмәгем бар!..
Чүлмәк эче нигъмәт белән тулган,
Һич курыкмыйм аны югалтудан!
Берсе китсә, икенчесе килер,
Аллаһ хозурында – безнең өйдер.
"КУ" 12,2023
Фото: unsplash
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
1
... Азык эзләп, арлы- бирле, чүлдә чаптым,Эзли торган зур гына бер чүлмәк таптым,Эчендәге бар нигъмәтләрне алып каптым, “Нигә миңа буш чүлмәк?”-дип тотып аттым,Тагын Аллаһ бирер диеп өмет итәм,Комда кырын ятып тагын чүлмәк көтәм.Сәйлән Ләйсән Мөгътәсимова)
0
0